Fazzo l'amor, xe vero, Cossa ghe xe de mal? Volè che a quindise ani Stia là come un cocal! Se tuto el santo giorno Sfadigo a lavorar, Xe giusto che la sera Me fazzo compagnar. Fazzo l'amor, xe vero, No steme a tormentar! Vado a nudar, sicuro, Cossa ghe xe de mal? Co' sto tantin de caldo Xe più che natural. Go el vestitin setado E se anche i vol guardar No son cussì malfata De averme a vergognar. Vado a nudar, sicuro, No steme a tormentar! Vado a balar, xe vero, Cossa ghe xe de mal? Saltar a l'età mia No xe un pecà mortal. Se gira e se se sburta E se se fa strucar; Se torna a casa morte E in pìe no se pol star. Vado a balar, xe vero, No steme a tormentar! Vado su e zo pel Corso, Cossa ghe xe de mal? Go el moro che el me speta Tacà soto el feral. El xe una macia, el scherza, No 'l fa che stuzzigar; Nol vol che sti dedini Se strachi a lavorar. Vado su e zo pel Corso, No steme a tormentar! Vado al velion, stasera, Cossa ghe xe de mal? Son giovine, son bela E semo in Carneval. In maschera se ridi A farli bazilar E a qualchedun la zena Se ghe la pol scrocar. Vado al velion, stasera, No steme a tormentar! (con vose de vecia) Son vecia e son in tochi: Questo ghe xe de mal! Me tocarà, capisso, Finir a l'ospedal. Purtropo go finido De farme cocolar E za che no i me guarda. Me sfogo a tabacar. Ma chi bazila mori, No steme a tormentar!

Return to Folk Songs Page

Additional Resources
Famous Italians	Folk Dances	Folktales
Folklore/Legends	Proverbs/Proverbi	Traditions

Share
	Tweet

Follow Us
Follow @italiansrus

Buy Now on Etsy

Buy Now

American Grown
With Italian Roots
Shirts & Novelties